تداعيات فيديوهات سيدة تدعي الإهمال والتقصير في رعاية مرضى كورونا في مستشفى بالصويرة مصدر مسؤول : صاحبة الفيديوهات كتعرقل عمل الأطر الطبية والتمريضية وكتصورهم أثناء مزاولتهم العمل ديالهم كتقول كلام فيه إهانة ليهم كاملين

بعد اتهامات بالإهمال والتقصير في رعاية مرضى كورونا في مستشفى بالصويرة… قالت مصادر مسؤولة : إن “إدعاءات السيدة تتضمن إهانات مجحفة في حق العاملين في المستشفى”، معبرا عن رفضه لمجمل الاتهامات التي جاءت متفرقة على أربعة مقاطع فيديو عممتها على مواقع التواصل الاجتماعي.

وجاء في معرض حديث المسؤول الصحي: “الأم ديال المعنية بالأمر دخلات في حالة خطيرة، وهي دابا تحت التنفس الصناعي الاختراقي، وكتستهلك حوالي 22 لتر من الأوكسجين في الدقيقة، أي ما يزيد عن 3000 درهم فالليلة، وهي حاليا تحت العناية المركزة، وكيشوفوها الطبيب والممرضات، عكس ما كتقول ابنتها”.

وتابع: “المعنية بالأمر كتعرقل عمل الأطر الطبية والتمريضية وكتصورهم أثناء مزاولتهم العمل ديالهم، كتقول كلام فيه إهانة ليهم كاملين”.

وأضاف المتحدث مستنكرا: “عندنا نقص كبير فالأطر الطبية والتمريضية، حيث عدد كبير منهم جاتهم كورونا، وكنا ملزمين نجيبو ممرضين متقاعدين يخدمو معانا، وتعاقدنا مع ممرضات، وحتى العطل قلصنا منهم باش نوقفو قدام هاد الارتفاع ديال عدد الإصابات، وفالأخير كتجي هاد السيدة كتصورهم وتدير تقييم للعمل ديالهم وتقول ما كيعرفوش يخدمو!!”.

وفي سياق متصل، رد المسؤول الصحي على اتهامات الإهمال قائلا: “الطبيب كيدوز عند الأم ديالها كلما لزم الأمر، والممرضات كذلك، والسيدة كاينة فجناح العزل الخاص بمصابي كورونا، والمتابعة كتكون عن طريق الشاشة، ولكن المعنية بالأمر كل شوية كتطلب من الطبيب الممرضات يجيو، واش غادي توريهم خدمتهم؟”.

ومن جهة أخرى، شدد المتحدث على أن المعنية بالأمر تتعامل بشكل سيء مع المرضى، وتخرق القانون بتسجيلها مقاطع فيديو من داخل المستشفى، إضافة إلى مكوثها مع والدتها داخل جناح العزل”.