رشيد نجاح : الكوكب المراكشي وطاحت الصومعة علقوا الحجام

نشر رشيد نجاح الناطق الرسمي باسم الكوكب المراكشي على صفحته بالفايسبوك : 

كلكم تعرفون قصة الحجام ؟
هاذاك اللي علقوه ملي طاحت الصمعة…
مشى بوطهير أو علقو الحجام.
ثلث أيام ما جاش بوطهير أو علقو الخلية الإعلامية.
تمنعات الكوكب من الإنتدابات أو علقو الرءيس الحالي…
تراكمو الديون على الكوكب أو علقو اللي ما كانش سبب فتراكمها…
أو تراجعت الكوكب إلى أدنى المراتب أو علقو الناطق الرسمي…
نعم ما كذب أللي قال طاحت الصمعة أو علقو الحجام…
آشنو جابنا للكوكب؟؟؟
ما شي تصاور
ماشي نقلبو على الإمتياز
ماشي نتصاحبو مع المسؤولين لكبار
ولكن حبنا لمدينتنا
الرياضة
كرة القدم اللي كبرنا فيها
الكوكب اللي عطاتنا مكانة ما كناش نحلمو بها
الحلم ديالنا باش ترجع لنا فرقتنا لأمجادها
وكل الأندية الأخرى
وكل الأنواع الرياضية كيف ما كنا زمان
ترجع مراكش مزدهرة بكل قطاعتها
وتزول سوء النية من قلوبنا راه حنا المراكشيين كنا ديما بساط أو ناشطين أو قلوبنا مسالمة
أشنو وقع لينا
شكون كان سباب فتراجع رياضتنا او مرض فرقتنا؟؟؟
واش حنا قولو لينا راه بدينا نشكو فنفوسنا؟؟؟
أولا الناس اللي كانو شادين بزمام أمور فرقتنا؟؟؟
راه عار عليكون تغيرو الحقيقة أو تعلقو الحجام اللي ما ما كانش هو سباب طيوح الصمعة……..